MUSIC

XOV XWM PAWG NTSEEG

Ua Vajtswv tsaug uas Vajtswv hlub Nws haivneeg Hmoob heev tshwjxeeb yog nyob rau tebchaws Nyablaj. Txawm muaj tsis paub pistsawg kev txomnyem thiab tu ncua los Vajtswv tau pom zoo hu Hmoob Nyalbaj thiab tsa muaj pawg ntseeg Hmoob Nyablaj. Txawm haistias, keebkwm dhau los yeej tsis muaj ib tug tub xa moo zoo twg yuav tuaj rau Hmoob Nyablaj. 

Tamsim no Vajtswv twb hu peb Hmoob Nyablaj los ntseeg Vajtswv coob heev thiab tsa muaj pawg ntseeg Hmoob nyob rau ntau lub xeev. Dua lintawd, Vajtswv kuj tau hu thiab txib ntau tus thawjcoj uas hlub Vajtswv los coj pawg ntseeg tau ntau lub xyoo tas los thiab los tuav Vajtswv lub pawg ntseeg cia li niaj hnub nimno peb pom. 

Pawg ntseeg Hmoob Nyablaj zoo li ib tsob ntoo uas Vajtswv nyuam cog tau tsis ntev lub xyoo tas los thiab nws tabtom yuav lojhlob thiab txi txiv. Yog lintawd, yuav kom tau lintawd yuav tsum yog muaj neeg mus ywg thiab tu tso ntoo thiaj yuav lojhlob tau zoo. Yog lintawd, thov muaj lus nqua hu rau peb ibtsoom kwvtij Hmoob ntseeg Vajtswv nrog thov Vajtswv pab rau pawg ntseeg Hmoob Nyablaj, thov Vajtswv xaiv thiab txib coob tus los ua cov ywg dej, cov tu tso ntoo kom yuav lojhlob zoo thiab txi cov txiv zoo ua rau Vajtswv ibleeg tau ntsejmuag. 

Hauv qab no yog ib txhia daim dua txog cov pawg ntseeg

Pawg ntseeg Cuc Duong - lub xeev Thai Nguyen

Ua Vajtsawg tsaug uas lub Koobtsheej 2011 tas los no Vajtswv kuj tau pub rau pawg ntseeg muaj kev tshaj qhia rau cov Nyablaj uas nyob ib cheemtsam ntawd kom lawv paub los ntseeg Vajtswv. Dau kev tshaj qhia zaug tas los no ua rau coob tus Nyablaj paub los nrog peb ntseeg Vajtswv. Tamsim no pawg ntseeg Cuc Duong muaj 698 tus tswvcuab. 

Pawg ntseeg Khoi Kooj - lub xeev Tuyen Quang

Ua Vajtswv uas pawg ntseeg Khoj Kooj yog ib pawg ntseeg uas hlub Vajtswv thiab mob siab ua Vajtswv tes haujlwm heev. Pawg ntseeg kuj tau kam qhib kev txais peb cov thawjcoj tuaj ua tej lub Rooj Txhawbsiab loj rau lawv pawg ntseeg. Lawv kuj tau koomtes rau ntau yam hauv Vajtswv tes haujlwm xwsli nrhiav kev pab tej tus tub kawm Vajluskub uas muaj kev tu ncua...

Pawg ntseeg Khuan Khinh 

Lub Koojtsheej nco txog Cawmseej Yexus los yug xyoo 2011 tas los kuj muaj tus sawv cev rau tsoom nomtswv hauv xeev Tuyen Quang tuaj koom pawg ntseeg thiab hais lus noj qab nyob zoo rau pawg ntseeg. 

SUNDENT 'S PICTURE

STUDENT'S PICTURE

Ntawm no yog tsev kawm Vajluskub nyob rau Ho Chi Minh City. No yog thawj lub thiab yog tib lub tsev kawm Vajluskub uas tau tseemhwv Nyablaj pom zoo tso cai qhib los cobqhia tibneeg ua Vajtswv haujlwm. Ua Vajtswv tsaug uas Vajtswv hlub peb haivneeg Hmoob kawg nkausli. Vim lintawd, xyoo 2009 Vajtswv tau coj peb cov Hmoob 8 leej tuaj kawm rau hauv, tsis tas li xyoo 2011 Vajtswv kuj coj 14 leej ntxiv tuaj kawm thiab. Peb ntseeg haistias, qhov no yog Vajtswv txoj koobhmoov rau pawg ntseeg Hmoob Nyablaj. Yog lintawd, Thov muaj lus nqua rau peb ibtsoom niamtxiv kwvtij neejtsa Hmoob ntseeg Vajtswv nco thiab thov Vajtswv pab rau peb 22 tus tub kawm Vajluskub no kom lawv yuav kawm tau tiav rawsli Vajtswv tau hu lawv tuaj. Tsis tas lintawd, thov Vajtswv hu kom peb cov tub kawm Hmoob hajyam tuaj kawm Vajtswv txojlus coob nyob rau lub tsev kawm no. Peb thiaj muaj txaus neeg los pab pawg ntseeg nyob rau yav tomntej. 

Ntawm no yog lub tsev rau cov tub kawm pw, noj mov, ntxhua khaub ncaw....

Ntawm no yog lub tsev siv los cobqhia cov tub kawm Vajluskub

Ntawm no yog chav kawm ntawv Vajluskub

Cov tub kawm Vajluskub pab III &IV

Yog peb cov hluas Hmoob ntseeg Vajtswv leejtwg xav paub txog lub tsev kawm no ntau dua lossis xav nug txog kev ua ntaub ua ntawv xeem tuaj kawm ces thov nug tuaj rau peb li nram qab no:

Xov tooj: (+84) 097 253 6754 Tk. Txawj Zoo Thoj 
Email: hmongbiblestudents@gmail.com 
Chaw nyob: Kp 5, Đường Bình Trưng, Phường Bình Trương Đông, Quận 2, TP. Hồ Chí Minh

HMONG BIBLE STUDENTS

HMONG BIBLE STUDENTS

Nyob zoo ibtsoom phoojyws sawvdaws txhua tus!

Zoothaol

Zoo siab uas koj nkag tau los saib peb rau hauv lub chaw sau lus no. Txhob maj tawm mus thiab siv sijhawm los tshawb saib puas muaj tej yam uas peb yuav pab tau rau koj. Xwsli kom paub peb yog leejtwg, dua lintawd, peb kuj muaj kev pehawm Vajtswv 1 lub hlis twg ob zaug (Tsuas yog peb cov tub kawm Hmoob xwb). Dua lintawd, peb kuj muaj kev pehawm Vajtswv rau txhua txhua hmo thaum 7 AM mus txog 8 AM thiab txhua taskig sawv ntxov thaum lub sijhawm 5 teev 30 mus txog 6 teev thiab muaj kev thov Vajtswv pab rau txhua tus uas muaj kev cheemtsum xav tau Vajtswv kev pab. 

Yog koj muaj tej nyuajsiab, kev ntxhovsiab, kev txhawjxeeb, kevmob kev nkeeg xav tau peb thov Vajtswv. Cia li hais tuaj rau peb li nram qab no:


 Xov tooj:(+84)  097 253 6754 Tk. Txawj Zoo Thoj
Email: hmongbiblestudents@gmail.com
Chaw nyob: Kp 5, đường Bình Trương, Phường Bình Trưng Đông, Q2, TP. Hồ Chí Minh



Peb yuav thov thov Vajtswv pab rau nej!